Þetta er ekki bara Reykjavíkurborg heldur ný lög Ragnheiðar Elínar ...

Að frumkvæði hóteleigenda og annarra stóreignamanna ætla nú allir að leggja pening í hótelin og ferðamennina og græða á tá og fingri.
Fyrir þá sem lengra sjá en nef þeirra nær er það deginum ljósara að Hótelbrjálæðið er hið nýja Lax-eldi, loðdýra-rækt eða hvað þetta háttalag hefur heitið á fyrri árum.

Hér á landi og víðar um heim hefur heimagistingarformið eða deilihagkerfið (Airbnb og Trip Advisor heitir það í dag), ef löglega gert, þjónað þeim tilgangi að vera stuðpúði á slíkar bólur sem ferðamannaiðnaðurinn nú er ... en ekki á Íslandi, ekki lengur, því nú í vor samþykkti hið háa Alþingi frumvarp Iðnaðar og viðskiptaráðherra Ragnheiðar Elínar Árnadóttur að setja hömlur á fólkið í landinu ... hömlur á að þau geti nýtt sínar eigin eignir til þess að vera þessi nauðsynlegi stuðpúði sem við þurfum.

Sé heimagistingin gerð löglega og eins og hún upphaflega var hugsuð (herbergjaleiga í heimahúsi, Bed & Breakfast, Zimmer frei) þá er hún einmitt þessi bráðnauðsynlegi púði til að verja efnahag Íslands fyrir öðru hruni. En nei, stóreignamenn gengu svo frá hnútunum, með ráðherra sjálfstæðisflokks í broddi fylkingar að fé skyldi færa frá hinum almenna borgara sem er að vinna fyrir sér á þennan hátt og til þeirra sem allt vilja eiga og allt vilja fá.

Þessi lög leggja þungan stein á vogarskálar næsta hruns ... vitið þið til !!!
... og þá er gott að muna hvaða flokkur og hvaða ráðherra (Ragnheiður Elín Árnadóttir) fylgdi gjörningnum í gegn um Alþingi Íslendinga.

Og þá er kominn sá tími að við Íslendingar þurfum að horfa upp á annað hrun í boði Sjálfstæðisflokks með sina "einkavinavæðingu" sem tröllríður þessu landi og þjóð út í rauðann dauðann.

Reykjavík verður full af tómum hótelum