Hvað með Sævar Ciesielski, sem barðist við ofurefli...

Í tvígang er honum neitað um endur-upptöku á þessu all-undarlega máli, hann deyr um 2 árum eftir síðari höfnun.

Þegar búið er að ræna manninn yngri árum, draga nafn hans og virðingu í gegn um svaðið af dómskerfi og þjóð og halda honum frá því að hreinsa nafn sitt af soranum sem smurt var á hann og aðra, þá er ekkert skrítið að maðurinn gefi upp von um líf, hvað þá eðlilegt líf - og deyi.
Með frétt um andlát Sævars fylgdi að hann hafi verið í óreglu undir það síðasta... er einhver hissa?  

Blessuð sé minning þín Sævar Ciesielski. 

Þetta mál allt er og hefur verið í einhverjum undarlegum farvegi þar sem, eins og oft áður, er ekki talið æskilegt að almenningur fái að vita sannleikan, eða sem verra er, réttarkerfið hefur ekki áhuga á að vita sannleikann.

Annað, ef Guðmundur og Geirfinnur voru drepnir, hver eða hverjir gerðu það?

Að lokum,
Erla Bolladóttir, ég vona að þú fáir nægan andlegan stuðning til að ráða við að birta nafn/nöfn gerenda.

Tveir brutu gegn Erlu í fangelsinu

Athugasemdir

[Pétur D. (IP-tala skráð) 28.3.2013 kl. 22:13]

"Annað, ef Guðmundur og Geirfinnur voru drepnir, hver eða hverjir gerðu það?"

Ég hef heyrt marga láta þá skoðun í ljós, að lögreglan hafi sjálf komið Guðmundi og Geirfinni fyrir kattarnef og síðan klínt sökinni á aðra, enda vissi hún að hún kæmist upp með það. Allt framferði löggunnar í þessu máli bar þess merki, að hún vildi alls ekki að sannleikurinn kæmi í ljós.

Helsjúkt réttarkerfi í íslenzka fasistaríkinu.