Ragnheiður Elín, hversvegna 90 daga reglan á Jón og Gunnu ?

Þetta er athygliverð úttekt hjá Aríon banka. Miðað við aðstæður virðist staðan vera alvarleg svo vægt sé til orða tekið, jafnvel svo fljótt sem á fyrsta ársfjórðungi næsta árs.
Samkvæmt umfjölluninni þá kemur eftirfarandi fram:

...seg­ir Erna í sam­tali við mbl.is, en hún bend­ir á að miðað við spá grein­ing­ar­deild­ar­inn­ar um fjölg­un ferðamanna á kom­andi árum megi gera ráð fyr­ir því að allt hót­el­rými á höfuðborg­ar­svæðinu væri full­nýtt strax á fyrsta árs­fjórðungi næsta árs ef ekki væri áfram bætt við gist­i­rým­um.

og þá spyr ég Frú Ragnheiði Elínu Árnadóttur, Iðnaðar og viðskiptaráðherra, hvaðan kom hugmyndin um 90 daga þakið á Airbnb, en Airbnb virðist vera mjög raunhæfur "buffer" á þetta ástand hörguls gistirýma og offramboðs ferðamanna?

Persónulega held ég að svarið um 90 daga þakið komi einmitt í næstu setningu í þessari sömu samantekt mbl.is

Hún (Erna ... innskot bloggara) tek­ur þó fram að sem bet­ur fer sé tals­vert um að unnið sé að nýj­um hót­el­um.

Og í þessum orðum held ég að hundurinn liggi einmitt grafinn Ragnheiður Elín, þarna er etv. komið svarið við því hversvegna Jón og Gunna mega ekki skapa sér smá tekjur árið um kring, mega ekki vinna að því að láta enda ná saman, heldur eru settar 90 daga skorður án góðra skýringa!!
Liggur skýringin í þessum orðum Erlu, Ragnheiður?

Því þá lýtur það út eins og að þessir "stóru og feitu" (nýju og gömlu fjárfestarnir í gistirýmum) vilja verða "enn stærri og enn feitari" ... á venjulegu máli kallast þetta græðgi og hefur aldrei verið talið til mannkosta, nema hjá frekar þröngum hópi fólks og hjá einhverjum stjórnmálamönnum sem ekki virðast sjá stóru myndina á bakvið frumvörpin og breytingartillögurnar utan úr bæ. Eða, sjá þeir kanski stóru myndina?

Því spyr ég Ragnheiður Elín: Er komið svarið við því hvaðan hugmyndin um 90 daga þakið á heimagistingu er komið?

Var Deilihagkerfið "bjargvætturinn" kæft í fæðingu Ragnheiður?

Vondum lögum má breyta og vondir stjórnmálamenn detta út af þingi ... þó er það því miður ekki algild regla, en gerist þó, það hefur sagan kennt okkur.

Gæti stefnt í hótelskort á næsta ári

Athugasemdir

[Sigurður Geirsson (IP-tala skráð) 21.9.2016 kl. 13:23]

Ágætis Excel-æfing hjá þeim þarna í Arion-banka, en Exel-æfingar hafa það ókost að þær geta gengið út í hið óendanlega.

Hver segir t.d. að það sé æskilegt að erlendir ferðamenn nái því að verða vel á þriðju milljón ár hvert? Þola nátturperlur okkar þann ágang?

Í allri þessari umræðu um erlenda ferðamenn hef ég hvergi séð að menn velti því fyrir sér hver sé æskilegur fjöldi ferðamanna. Það er eins og að það megi ekki með neinu móti takmarka þann fjölda ferðamanna sem hingað kemur eða vill koma hingað. Við skulum endalaust fjölga flugferðum til landsins og auka gistirými til að geta tekið við endalausum straumi ferðamanna. Hafa menn ekki hugleitt að einmitt  þessi miklu fjöldi erlendra ferðamanna geti verið eitt áhrifríkasta atriðið til að fæla frá frekari ferðamenn.

Ég á ekki von á því að þessi fjölgun erlendra ferðamanna muni halda áfram út í hið óendanlega. Einhvern tíma kemur að því að menn segja einfaldlega um Ísland: "Been there, done that" og hvað þá? Hvað ætlum við að gera þá við allt gistirýmið sem búið er að koma upp? Væri nú ekki skynsamlegra að menn færu að skoða hversu mikið af ferðamönnum ættum við að taka við ár hvert. Með því móti værum við að lengja það tímabil sem menn vilja koma þar sem það komast ekki allir þegar þeim dettur í hug. Ef við skoðum t.d. ummæli erlendra ferðamanna um Ísland og það sem heillar þá, þá hefur það verið náttúrufegurðin og friðsældin sem oftast eru nefnd eftir því sem ég hef tekið eftir. Þessi náttúrufegurð er núna í hættu vegna alls ferðamannastraumsins og friðsældin er að verða hluti af fortíðinni. Alls staðar sem maður kemur þá er allt fullt af ferðamönnum og sveitakyrrðin heyrist varla fyrir erlendum röddum. Maður er meira að segja farin að heyra það frá útlendingunum sem hér eru að þeim finnist allir þessir ferðamenn sem eru á öllum stöðum frekar skemma fyrir.

En ef menn vilja frekar stundar gróða og sitja svo uppi með stórt tap þegar ferðamennirnir ákveða að fjölmenna eitthvað annað nú þá er um að gera að halda áfram að auka komur þeirra hingað.

[Ólafur Einarsson, 22.9.2016 kl. 15:38]

Svo sammála og hef heyrt það sama hjá þeim ferðamönnum sem ég hef talað við, allt of mikið af túristum ... þau komu til að njóta ósnortinnar náttúru og sveitaþorpsins Reykjavíkur og nágrennis, en Reykjavík er nú, eins og flestum er orðið ljóst, að breytast í hótel-þrúgað skrímsli.

Við erum í nær stjórnlausu æði-týri nema fyrir stýringuna á hverjir mega hvað og hvenær.
Þetta æðitýri mun líklegast enda eins og loðdýraræktin, laxeldið og ... og ... og önnur slík.