Skemmtileg uppsetning hjá þessum tveimur kumpánum!

Það er svolítið skondið að fylgjast með þessum leik þeirra félaga Rehn og Pöttering.
Persónulega held ég að flest aðilaríkin bíði eftir að Ísland komi inn en þeir félagar og fleiri eru að átta sig á að hlutirnir eru að breytast á Íslandi ESB í óhag, því er sett upp smá leikrit fyrir okkur "molbúana í norðri" til að slá ryki í augu okkar.

Málið er að enginn vill vera valinn síðastur í fótboltaliðið, allir hræðast höfnun og leita enn frekar eftir samþykki í slíkum aðstæðum, því er þetta klókt bragð að segja nú: "Ég er ekki alveg viss um að þú fáir að leika með okkur".

Kæru félagar Olli og Hans-Gert, við viljum ekki vera með í þessum stórkarla leik hnignandi samfélags Evrópu landa. Þið megið bara leika ykkur einir. Við ætlum hinsvegar að sitja hér í okkar stúku sæti fyrir ofan leikvöllinn og fylgjast með öllu því rugli sem nú þegar er í gangi og á bara eftir að versna þegar fram líða stundir.

Það er annars gott að Samfylkingin er loksins farin að tala um LÝÐRÆÐI ÞJÓÐARINNAR, kannski eru þeir loksins farnir að sjá að ESB er ekki leiðin. 
Batnandi fólki er best að lifa!

Olli Rehn stendur fast á sínu

Athugasemdir

[ThoR-E, 5.2.2009 kl. 14:30]

Algjörlega sammála.

Léleg aðferð hjá þeim.

Það sem ESB þjóðirnar vilja er þetta gífurlega veiðisvæði umhverfis Ísland.. hundruðir mílna af fjármunum.

Nei takk segi ég.

Kvótann aftur til þjóðarinnar!!! ekki til Brussel!

[Óðinn, 5.2.2009 kl. 17:24]

Jón Frímann, ég tel að þú þurfir að leyfa þér að efast aðeins meira en þetta. Ekki það að ég viti eitthvað með vissu - en þú veist það eflaust sjálfur að sjálfskipaður elítuhópur embættismanna hér á landi hafa reynst okkur tiltölulega illa (þegar talið er með það sem við tölum ekki um og fáum ekki að heyra) og mun eflaust alltaf gera þangað til stjórnarfarsleg- peningaleg- og hugarfarsleg bylting mun eiga sér stað. Hví ætti samskonar elíta, nema frá hópi tröllvaxna iðnríkja og stórvelda að huga betur að hag okkar?

Nú liggur það fyrir í sál- og félagsfræðinni að hugsunarháttur og jafnvel tungumál þeirra sem "ráða" og "eiga" er allt annar en sá sem við notumst við, þeir telja okkur ekki vera sannleikans verð, ásamt þeirri staðreynd að til þess að komast til hæstu hæða í þessum valdataflsleik þarf snögglega að aftengja siðferði sitt frá "leiknum". Í því ástandi fara þeir loks að geta látið undan mútum, mútað öðrum - spila hagsmunaspilið. Svona menn geyma þeir sem við dýrkum til konungssætis því þeir segja svo margt gott og flott en gera allt annað undir yfirborðinu - við bara nennum ekki að tala um það því hann kemur svo vel fram í fréttatímanum. Það er framleidd sátt á massavís í gegnum skynfæri okkar og þar með gagnrýni tekin úr sambandi. Þetta er hin nýja skilgreining á Pólitískri Psychopathíu, hana þarf að uppræta og því miður styrkjum við bara stoðir þeirra sem fyrir eru með því að fara í ESB.

Þetta er utan allra atriðanna sem koma upp um regluverkið og náttúruauðlindirnar. Endilega tjékkaðu á þeim ríkjum sem hafa þurft á láni AGS að halda í eins mikilli efnahagslegri lægð og við, segðu mér hvort þeim hafi verið bjargað eða hvort löndin séu enn í skuld og auðlindir í erlendra valdamanna-eigu, best að leyfa þér að sjá þetta sjálfur.