En hvað um ástandið í miðborginni ?

Þessi frétt er hálf ótrúleg, ráðist er á manneskju í miðborginni (á ekki að skipta máli hver á í hlut) en fréttin snýst síðan algerlega upp í hvort viðkomandi geti sinnt vinnunni sinni eða ekki, hvort hann geti tekið þátt í þessum leiknum eða hinum, þessu mótinu eða hinu.
Hvað með það að tilefnislausar árásir eru orðnar nánast daglegt brauð í miðborginni, að mis-félagslega/samskiptalega svelt fólk sem í raun passar ekki inn í siðmenntað samfélag vegna sveltisins hefur ekkert betra að dunda við en berja mann og annan bara af því viðkomandi getur það.

Því miður hef ég ekki lausnina...
nema ef vera kynni að auðsýna upprennandi kynslóðum aukinn kærleika og skapa þeim meiri GÆÐA-tíma með foreldrum/uppalendum, að elska þau vegna þess að þau eru einstök ... bara hugmynd.

Aron varð fyrir líkamsárás í miðborginni

Athugasemdir

[Haukur Kristinsson (IP-tala skráð) 30.12.2014 kl. 21:42]

Kannski dæmigert um hin "kristnu gildi" Íslands í dag.

[Ólafur Einarsson, 30.12.2014 kl. 22:48]

Ég á 4 börn, öll uppkomin, öll vinir, öll nýtir þjóðfélagsþegnar, gift og eiga nú sín börn.
Þegar þau voru lítil fengum við það ráð að ala þau upp á hnjánum... það var gert, í tvennum skilningi.
Þessu einfalda ráði má líklega þakka stöðuna nú.